მომხმარებელთა ინტერესებზე მაქსიმალურად მორგებული „ქართული მილი“ ამაყობს იმით, რომ თქვენთვის შემოთავაზებული ყოველი პროდუქტი უმაღლესი ხარისხის ნედლეულითაა დამზადებული, რომელიც წარმოებაში ჩაშვებამდე მრავალმხრივ შემოწმებას გადის. სწორედ ხარისხის კონტროლი განაპირობებს გამძლეობას, საიმედოობასა და ყველა იმ თვისებას, რომელთა გამოც ირჩევთ ჩვენი კომპანიის მილებს.
თანამედროვე ინფრასტრუქტურის სფეროში, მილსადენის სისტემებისთვის სწორი მასალების შერჩევა უმნიშვნელოვანესია, ჩვენი ხარისხიანი ნედლეული კი ერთი მხრივ, აკმაყოფილებს თქვენს საჭიროებებს, მეორე მხრივ კი მდგრადი განვითარების ხელშემწყობიცაა. ისეთი მნიშვნელობის ნივთიერებების მილებისთვის, როგორებიცაა წყალი და გაზი, ნედლეულის შერჩევას განსაკუთრებული სიფრთხილით მოვეკიდეთ, არჩევანი შევაჩერეთ PE100-ზე, მაღალი სიმკვრივის პოლიეთილენის (HDPE) მასალის უმაღლეს კლასზე, რომელიც ხარისხის, სარგებლიანობის, სიმარტივის, მრავალფეროვნებისა და სიმტკიცის მაღალი მაჩვენებლით ხასიათდება.
თავდაპირველად, სანამ მის თვისებებზე გადავალთ, ხაზი უნდა გაესვას შემადგენლობას, რომელიც პირდაპირაა დაკავშირებული თვისებებთან. ვინაიდან PE100 არის HDPE-ის სპეციფიკური კლასის წარმომადგენელი, იგი მცირედით განსხვავდება წარმოების პროცესით და შეიცავს გარკვეულ დანამატებს თვისებების გასაუმჯობესებლად, თუმცა მის შემადგენელ დომინანტურ ქიმიურ ერთეულად რჩება ეთილენი, ანუ ნახშირწყალბადის მოლეკულა, რომელიც ორი ნახშირბადისა და ოთხი წყალბადის ატომისგან შედგება. უფრო ზუსტად რომ ვთქვათ, მასში შედის ეთილენის მონომერების გრძელი ჯაჭვები. სწორედ ამ ჯაჭვების მეშვეობით შექმნილი ერთგვაროვანი და ხაზოვანი სტრუქტურა უწყობს ხელს მასალის შესანიშნავ მექანიკურ თვისებებს: მაღალ სიმკვრივეს, მოქნილობას, ულტრაიისფერი სხივებისადმი გამძლეობას, სიმტკიცეს და დეფორმაციის შესაძლებლობას. თავად ნახშირწყალბადის ჯაჭვების არსებობა ნივთიერებას ქიმიურ გამძლეობას მატებს, რაც გამოიხატება იმაში, რომ ნახშირწყალბადი რეზისტენტულია მჟავებისა და სხვა ქიმიკატების წინააღმდეგ. ცხადია ეს თვისებები ნარჩუნდება ამ ნივთიერებით პლასტმასის მილების დამზადების შემთხვევაშიც, შედეგად PE100 მილებს კოროზია, დაწოლა და მკაცრი პირობები ვერ აზიანებს, სწორედ ამიტომაა იგი იდეალური გაზისა და წყლის მილებისთვის.
კიდევ ერთი მნიშვნელოვანი თვისებაა წნევის მაღალი მაჩვენებელი, რაც განსაკუთრებულად მნიშვნელოვანია წყლის მილის შემთხვევაში, სადაც წნევა სითხის შეუფერხებელ გადაადგილებას უწყობს ხელს. გაზრდილი სიმტკიცე და მჭიდრო კავშირი კი PE100-ს გაზის მილისთვის შეუცვლელს ხდის. პოლიეთილენის მილი, ქიმიური შემადგენლობიდან გამომდინარე, კიდევ მრავალ დადებით თვისებას ატარებს, რომელთა შორის ერთ-ერთი მარტივი ინსტალაციის შესაძლებლობაა. ზოგადად HDPE მილები გამოირჩევა მოქნილობით, თუმცა PE100 მილების შემთხვევაში ეს მოქნილობა კიდევ უფრო მკვეთრია, რაც ამ ტიპის მილებით მოწყობილ გაზისა და წყლის სისტემებში საჭირო ფიტინგების რაოდენობას ამცირებს.
მთლიანობაში, PE100-ის ქიმიური შემადგენლობა განაპირობებს მრავალმხრივ თვისებებს, შესრულებისა და საიმედოობის კიდევ უფრო მაღალ დონეს. ეს ხარისხიანი ნედლეული გადის დიდ გზას მილად გარდაქმნამდე, რათა მაქსიმალურად სტანდარტების დაცვით ჩაერთოს თქვენს ყოფაცხოვრებაში. თუ გაზის და წყლის მილები გჭირდება და ეს სტატია ბოლომდე ჩაიკითხე, ნუღარ შეყოვნდები, დაგვიკავშირდით და „ქართული მილი“ აუცილებლად შეგირჩევთ უმაღლესი ხარისხის ნედლეულისგან დამზადებულ საუკეთესო მილებს, რომლებიც მრავალი წელი არ შეწყვეტენ ფუნქციონირებას.
