ჩვენი კომპანია გთავაზობთ ეკომეგორბულ გოფრირებულ მილს, რომელიც გარემოსთან ჰარმონიულ ურთიერთობას ამყარებს და გრძელვადიან პერსპექტივაში ხელს უწყობს მის მდგრად განვითარებას, რაც ბუნებრივი რესურსების შენარჩუნებაში, ეკოსისტემების დაცვასა და დაბინძურების შემცირებაში გამოიხატება. ეს თვისება გოფრირებულ მილებს გამოარჩევს სადრენაჟე და საკანალიზაციო სისტემებში გამოყენებული ტრადიციული მასალებისგან და იდეალურს ხდის გარემოს კეთილდღეობისთვის.
გარემოზე დადებითი გავლენა უპირველესად HDPE ორკედლიანი გოფრირებული მილების გადამუშავების შესაძლებლობითაა განპირობებული. პოლიეთილენი ხშირად აღიქმება ეკოლოგიური პრობლემების გამომწვევად, რადგან მის დაშლას მრავალი წელი სჭირდება და გამოყოფილი ნივთიერებები ნიადაგსაც აზიანებს. თუმცა სინამდვილეში, ჩვენ მიერ გამოყენებული მაღალი ხარისხის ნედლეული საფრთხეზე მეტად სარგებელს შეიცავს, ვინაიდან იგი გადამუშავებადია, რითაც ბუნებრივი რესურსების გონივრულ, სწორ გამოყენებას უწყობს ხელს და გარემოსთვის მიყენებულ ზიანს ამცირებს. როგორც უკვე აღინიშნა, ნიადაგში პოლიეთილენის დაშლას დიდი დრო სჭირდება, გოფრირებული მილების შემთხვევაში ეს თვისება დადებითად გამოიყენება, რადგან მილის გამძლეობას და ხანგრძლივ სიცოცხლისუნარიანობას განაპირობებს.
კოროზიის, აბრაზიისა და სხვა ქიმიური დამაზიანებლების მიმართ მდგრადი გოფრირებული მილი, სხვა მასალებისგან განსხვავებით, არ საჭიროებს გამოცვლას ათწლეულების განმავლობაში, რაც ამცირებს ერთი მხრივ ხშირი გათხრების საჭიროებას, ხოლო მეორე მხრივ ახალი მილების წარმოებისთვის რესურსების დახარჯვასაც.
ეკომეგობრულობის თვალსაჩინო მაგალითია საკანალიზაციო მილები, რომელთა ხარისხი და თვისებები გარემოს კეთილდღეობაზე პირდაპირ აისახება. სწორედ კანალიზაციის მილი უზრუნველყოფს გადაადგილებას იმ ნარჩენებისა, რომლებმაც შესაძლოა დიდი ეკოლოგიური პრობლემები შექმნას. როგორც სანიაღვრე, ისე საკანალიზაციო სისტემებში გაჟონვა იწვევს ნიადაგის, ზედაპირული თუ მიწისქვეშა წყლების და ჰაერის დაბინძურებასაც კი, რაც მნიშვნელოვან საფრთხეს უქმნის ბიომრავალფეროვნებასა და ეკოსისტემას.
„ქართული მილის“ გოფრირებული საკანალიზაციო მილების გამოყენება გამორიცხავს გაჟონვას, იცავს წყლის, ნიადაგისა და სხვა რესურსების ხარისხს. კიდევ ერთი მნიშვნელოვანი საკითხია წყლის კონსერვაცია. გოფრირებული მილები გამოიყენება წყლის მართვის სისტემებში, რის მეშვეობითაც შესაძლებელი ხდება წვიმის წყლის ეფექტურად შეგროვება და ურბანული ტერიტორიებიდან გადინება. წვიმის წყლის სწორი მართვა ამცირებს დატბორვისა და ეროზიის რისკს, რაც ასე საშიშია ბუნებისა და მოსახლეობისთვის. შედეგად იგი ინარჩუნებს ნიადაგის ხარისხსა და წყლის რესურსებს.
გოფრირებული მილების სიმსუბუქისა და მოქნილობის გამო მათი ტრანსპორტირებისა და მონტაჟისთვის გაცილებით ნაკლები ენერგიაა საჭირო, ვიდრე მძიმე მასალების, მაგალითად ლითონის ან ბეტონის მილების შემთხვევაში.
ჩვენი მსუბუქი მილების გამოყენება თავიდან აგაცილებთ მძიმე ტექნიკით მილების გადაზიდვის საჭიროებას და გამონაბოლქვს, ეს განსაკუთრებით მნიშვნელოვანია მილის ისეთ რელიეფზე დამონტაჟებისას, სადაც ამგვარი ტექნიკის გადაადგილებამ შესაძლოა ნიადაგი დააზიანოს. ის რომ გოფრირებული მილის მონტაჟისას ნიადაგის დაზიანების რისკი მინიმუმამდე დადის, ხელს უწყობს ბუნებრივი ჰაბიტატების შენარჩუნებას და არ აზიანებს ეკოსისტემას. უნდა აღინიშნოს, რომ გარემოს დაცვის საკითხში არანაკლებ როლს ასრულებს გოფრე, რომელიც ზრდის სისტემის ეფექტურობას, კონსტრუქციულ მთლიანობას, სიმტკიცეს, ჰიდრავლიკურობასა და მოქნილობას. ყოველივე ეს განაპირობებს გამძლეობას, ხოლო გამძლეობა გარემოს დაცვას.
მთლიანობაში უდაოა გოფრირებული მილების დადებითი გავლენა გარემოზე. ეკოლოგიურად სუფთა შემადგენლობა, მინიმალური ტექნიკური მოთხოვნილებები, გადამუშავების შესაძლებლობა, სიმტკიცე, გამძლეობა, ქიმიური წინააღმდეგობა და სხვა არაერთი თვისება განაპირობებს იმას, რომ ამ ტიპის მილებს არათუ მხოლოდ სარგებელი მოაქვს ყოფაცხოვრებაში, არამედ ხელს უწყობს უფრო ჯანსაღი, უფრო მდგრადი გარემოს შექმნას მომავალი თაობებისთვის.
