„ქართული მილი“ თქვენი უსაფრთხოებისა და კომფორტისთვის ქმნის მაღალი სიმკვრივის პოლიეთილენის (HDPE) ორკედლიან გოფრირებულ მილებს სანიაღვრე და საკანალიზაციო სისტემებისთვის. ამგვარი მილები შედარებით ახალი ტექნოლოგიაა, თუმცა განსაკუთრებული თვისებების გამო მალევე იქცა მოთხოვნად მასალად, დღეს სისძლეობაში, ეფექტურობასა და გამართულად მუშაობაში შეუცვლელ როლს ასრულებს. ჩვენი კომპანია გთავაზობთ როგორც ორკედლიან, ისე სპირალურ გოფრირებულ მილებს, რომელთა არსებობაც ჩვენს პროდუქციას კიდევ უფრო ამრავალფეროვნებს.
ინფრასტრუქტურის გამართულობაში საკანალიზაციო და სანიაღვრე სისტემები ხშირად გადამწყვეტ როლს ასრულებენ, ამისთვის კი ცხადია საჭიროა ხარისხიანი მილი, რომელიც ჩამდინარე და წვიმის წყლების ეფექტურ განკარგვას უზრუნველყოფს. ჩვენს მიერ დამზადებული მაღალი სტანდარტების შესაბამისი, 100 მმ-დან 1600 მმ-მდე დიამეტრის მქონე გოფრირებული მილები იდეალური რეზოლუციაა ამისთვის, რადგან ისინი გამოირჩევიან განსაკუთრებული გამძლეობით კოროზიის, აბრაზიისა და სხვა დამაზიანებელი ფაქტორების მიმართ. გარდა ამისა, ტრადიციული უხეში ინტერიერის მქონე მილებისგან განსხვავებით, რომლელთა ზედაპირზეც ნალექი ჩნდებოდა, ამ მილების გლუვი შიდა ზედაპირი არ აფერხებს ჩამდინარე წყლების ნაკადს, გამორიცხავს კანალიზაციის გაჭედვას და ხელს უწყობს ფუნქციონირების ოპტიმიზებას.
გოფრირებულ მილებზე საუბრისას აუცილებლად უნდა ვახსენოთ კიდევ ერთი მნიშვნელოვანი ფუნქცია-ქიმიური წინააღმდეგობა, რაც გამძლეობისთვისაა აუცილებელი. იგი მდგრადია ქიმიკატების მიმართ, ამგვარი წინააღმდეგობა უზრუნველყოფს მილების სტრუქტურულ სტაბილურობას, მილი დროთა განმავლობაში არ იშლება და ინარჩუნებს მთლიანობას რთული გარემო ფაქტორების ფონზეც კი. გამძლეობას განაპირობებს ორკედლიანი, მყარი გოფრირებული სტრუქტურაც, სწორედ ამის წყალობით უძლებს გოფრირებული მილი დაწოლას და ნიადაგის ქანების მოძრაობას.
გოფრირებული მილების მახასიათებლები ფიზიკური და ფინანსური რესურსების დაზოგვის შესაძლებლობასაც გაძლევთ. ამ მხრივ განსაკუთრებით საინტერესოა სადრენაჟე მილები, მოქნილობისა და მსუბუქი წონის გამო ადვილია მათი დამონტაჟება რთულ რელიეფზეც კი, ეს თვისებები ამარტივებს ტრანსპორტირების პროცესსა და ხელს უწყობს უფრო სწრაფ და ეკონომიურ ინსტალაციას. სიმსუბუქე გოფრირებულ მილს გარკვეულწილად სტრუქტურული დაზიანებისგანაც იცავს. აუცილებლად უნდა ვახსენოთ გოფრე, რომლის ერთ-ერთი დადებითი ფუნქცია სწორედ დამონტაჟების პროცესის გამარტივებაა. აგრეთვე იგი ხელს უშლის გაჟონვას, დაბინძურებას, დაზიანებას და აძლიერებს საიმედოობას, რაც განსაკუთრებით მნიშვნელოვანია საკანალიზაციო და სანიაღვრე სისტემებში.
გოფრირებულ მილებს დიდი როლი აქვს გარემოს მდგრადობის კუთხითაც, რასაც ხარისხიანი ნედლეული განაპირობებს. როგორც დასაწყისშივე აღინიშნა, ამ ტიპის მილების დასამზადებლად ვიყენებთ მაღალი სიმკვრივის პოლიეთილენს (HDPE), სწორედ გადამუშავებადი და მაღალი ხარისხის მასალის გამოყენება განაპირობებს გარემოსთვის ნაკლები ზიანის მიყენებას. აგრეთვე, იგი ხელს უწყობს წყლის ხარისხის შენარჩუნებას და ეკოსისტემის დაბინძურების რისკებს მინიმუმამდე ამცირებს.
გამძლეობა, მრავალფეროვნება, მოქნილობა, სიმსუბუქე, ქიმიური რეზისტენტულობა, სტაბილურობა, მყარი სტრუქტურა, საიმედოობა, ეკომეგობრულობა და სხვა არაერთი თვისება განაპირობებს იმას, რომ გოფრირებულ მილს სანიაღვრე და საკანალიზაციო სისტემებში მნიშვნელოვანი როლი აქვს. SN4, SN8, SN12, SN16 სიმტკიცის კლასებისა და EN 13476-3:2018 სტანდარტებთან სრულად შესაბამისი გოფრირებული მილი შეძენიდან მალევე დაგიმტკიცებთ, რომ ხარისხისა და მრავალმხრივი თვისებების გამო შეუცვლელია.
